Молитвы об исцелении страсти пьянства

Молитва Божией Матери в честь Ее иконы «Неупиваемая Чаша»

О, Премилосердная Владычице! К твоему заступлению ныне прибегаем, молений наших не презри, но милостивно услыши нас: жен, детей, матерей и тяжким недугом пьянства одержимых, и того ради от матере своея – Церкви Христовой и спасения отпадающих, братьев и сестер, и сродник наших исцели. О, Милостивая Мати Божия, коснися сердец их и скоро восстави от падений греховных, ко спасительному воздержанию приведи их. Умоли Сына Своего, Христа Бога нашего, да простит нам согрешения наша и не отвратит милости Своея от людей Своих, но да укрепит нас в трезвении и целомудрии. Прими, Пресвятая Богородице, молитвы матерей, о чадах своих слезы проливающих, жен, о мужьях своих рыдающих, чад, сирых и убогих, заблудшими оставленных, и всех нас, к иконе Твоей припадающих. И да примет сей вопль наш, молитвами Твоими ко Престолу Всевышнего. Покрой и соблюди нас от лукавого ловления и всех козней вражиих, в страшный же час исхода нашего помоги пройти непреткновенно воздушные мытарства, молитвами Твоими избави нас вечного осуждения, да покроет нас милость Божия в нескончаемые веки веков. Аминь.


Молитва мученику Вонифатию
Вонифатий сам погибал от страсти пьянства, но обратился ко Господу и удостоился мученической кончины. Ему молятся от страсти пьянства и запоя.

О, многострадальный и всехвальный мучениче Вонифатие! Ко твоему заступлению ныне прибегаем, молений нас, поющих тебе, не отвергни, но милостиво услыши нас. Видишь братьев и сестер наших, тяжким недугом пьянства одержимых, видишь того ради от матери своей, Церкви Христовой, и вечного спасения отпадающих. О, святой мучениче Вонифатие, коснись сердца их данною тебе от Бога благодатью, скоро восстави от падений греховных и ко спасительному воздержанию приведи их. Умоли Господа Бога, Егоже ради страдал еси, да простив нам согрешения наши, не отвратит милости Своей от сынов Своих, но да укрепит в нас трезвение и целомудрие, да поможет Своею десницею трезвящимся спасительный обет свой до конца сохранить во дни и ночи, в Нем бодрствующее и о Нем добрый ответ на страшном судилище дать. Прими, угодниче Божий, молитвы матерей, о чадах своих слезы проливающих, жен честных, о мужьях своих рыдающих, чад сирых и убогих, от пьяниц оставленных, всех нас, к иконе твоей припадающих; и да придет сей вопль наш молитвами ко Престолу Всевышего даровати всем по молитвам их здравие и спасение душ и телес, наипаче же Царство Небесное. Покрой и соблюди нас от лукавого уловления и всех козней вражиих, в страшный час исхода нашего помоги прейти непреткновенно воздушные мытарства и молитвами твоими избави вечного осуждения. Умоли же Господа даровати нам к отечеству нашему любовь нелицемерную и непоколебимую, пред врагами Церкви Святой видимыми и невидимыми, да покроет нас милость Божия в нескончаемые веки веков. Аминь.


Молитва преподобному Моисею Мурину

О, великая сила покаяния! О, неизмеримая глубина милосердия Божия! Ты, преподобне Моисее, был прежде разбойником, но потом ужаснулся своих грехов, восскорбел о них и в раскаянии пришел в монастырь, и там в великом плаче о своих бывших беззакониях и в трудных подвигах поста и молитвы проводил дни свои до кончины, и удостоился Христовой благодати прощения и дара чудотворения. О, преподобне, ты от тяжких грехов достиг пречудных добродетелей! Помоги и молящимся тебе рабам Божиим (имя…), влекомым в погибель от безмерного вина употребления, повреждающего бессмертную душу и тело – храм Духа Святого. Склони на них свой милостивый взор и не презри их, но внемли им, прелагающим к тебе. Моли святее Моисее, Владыку Христа, чтобы Он, Милосердый, не отверг их бессильных и несчастных, которыми овладела страсть чрезмерного винопития, и не возрадовался бы дьявол их погибели, ибо все мы, как создания Божии, искуплены Пречистой Кровию Сына Его. Услышь же, преподобне Моисее, молитву их и нашу. Отгони от них диавола, даруй им силу победить их страсть, приведи их на путь добра, освободи от рабства страстям, избавь от пагубы безмерного винопития, дабы, обновленные, в духовном трезвении и светлом уме, возлюбили они всяческое воздержание и благочестие и вечно прославляли спасающего всегда создания Свои Всеблагого Бога, Ему же подобает слава, честь и поклонение во веки веков. Аминь.


Молитва от пьянства праведного Иоанна Кронштадского

Господи, призри милостиво на раба твоего (имярек), прельщенного лестью чрева и плотского веселия: даруй ему (имярек) познати сладость воздержания в посте и проистекающих от него плодов. Аминь.